• Горан Упале
Селекторот Хосам Хасан не можеше да го сокрие својот гнев по драматичниот пораз на Египет од Аргентина во осминафиналето на Светското првенство.
Египет водеше со 2-0, и имаше четвртфиналето на дофат, но Аргентина успеа да изведе епски пресврт, постигнувајќи гол во 93. минута за победа од 3-2. По натпреварот, Хасан упати сериозни обвинувања против организаторите и судијата.
„Ќе кажам што ми е на ум, без оглед на последиците. Ова беше очигледно наместен натпревар и целиот свет го виде тоа. И сакам да кажам уште нешто - ако толку многу сакаат Аргентина да победи, тогаш зошто воопшто покануваат други да учествуваат?“
Неговите зборови сигурно ќе привлечат големо внимание од фудбалската јавност, особено по натпреварот кој веќе предизвика бројни полемики поради неколку контроверзни судиски одлуки и бурни реакции од египетскиот табор.
