• Зоран Мишевски
Англија ја победи Данска по продолженијата со 2-1 и го освои првото место во финалето на Eвропските шампионати. Селекторот Герет Саутгејт блескаше од среќа по победата во непредвидливата вечер на митскиот „Вембли“.
„Горд сум на играчите. Ова беше неверојатен натпревар, навивачите беа неверојатни. Знаевме дека натпреварот нема да биде како оној во Рим. Им реков на играчите дека мора да бидеме трпеливи и истрајни и такви и бевме“, рече Саутгејт.
Рахим Стерлинг беше еден од хероите, бидејќи изнуди пенал кој го реши натпреварот.
„Ова беше натпревар на највисоко ниво. Првпат примивме гол на турнирот, но реагиравме добро и покажавме силен дух. Знаевме дека ќе биде тешко, но останавме трпеливи и знаевме дека со трчање и агресивност ќе донесеме сè што го сакавме. Ова е уште еден чекор во вистинска насока, но сега треба да се фокусираме на финалето. Вечерва енергијата, атмосферата, сè беше врвно“, рече фудбалерот на Манчестер Сити.
Англија на „Вембли“ нема најдобар биланс против „аѕурите“, но никогаш не играла така значаен натпревар каков што ќе игра в недела.
