ВИДЕО: Саса се спаси во ВМФЛ, Тетекс во бараж, а Локомотива е третолигаш!

Екипата на Саса од Македонска Каменица си ја заврши задачата и освои потребен бод кај Пелистер во Битола, па така го сочува статусот во Втората македонска фудбалска лига (ВМФЛ).

Мечот на стадионот „Петар Милошески“ заврши без голови, со резултат 0-0. Пелистер немаше императив за победа, а Саса играше внимателно затоа што бод ѝ одговараше за опстанок, па на крај и го освои.

  • Арсими - Тетекс 3-4:

Поради ремито на тимот од Македонска Каменица, во баражот патува Тетекс кој победи кај Арсими (3-4), но тој триумф е пиров затоа што иако двете екипи имаат ист број на бодови, Саса има подобар меѓусебен дуел. Лорик Љика (2) и Шпенд Асани беа стрелци за Арсими, додека за тетовскиот клуб два гола даде Христијан Кировски, а по еднаш реализираа Мустафа Јусуф и Давид Спасовски.

  • Локомотива Пехчево - Беса 2-0:

Во Третата лига се сели Локомотива Пехчево, тим кој на теренот во Сингелиќ освои три бода против Беса (2-0), ама не го доби потребниот кикс на Тетекс за да го прескокне на табелата во единствената ВМФЛ. Стрелци за победникот беа Флорент Османи во 21. и Бујар Иљази во 30. минута.

  • Караорман - Гостивар 0-2:

На останатите натпревари, ГФК Охрид ја заврши сезоната со победа над Беласица (3-0), Алтин Лога погоди еднаш за „рибарите“ и Хусеин Демири стрелаше два пати. Гостивар ја комплетира сезоната без пораз со победа над Караорман (2-0) со головите на Рамадани и Каланоски, а исто така титулата ја потврди Воска Спорт со веќе испаднатиот Борец (1-7). Четири гола даде Бехар Фета, а по еднаш за лидерот стрелаа Рамадани, Адеми и Јахји.

  • Воска Спорт - Борец 1-7:

Тимот кој патува во баражот за ПМФЛ, тоа е најтрофејниот македонски клуб Вардар, доживеа пораз против Кожуф во меч во кој играше без првотимците и во комбиниран тим (1-3). Единствен стрелец за „црвено-црните“ беше Дејан Цветаноски, а за Кожуф погодија Тони Мичковски двапати и Христијан Бејков еднаш.

Три бода освои и Детонит Плачковица против Слога Виница (2-1) благодарение на Филип Димоски и Иван Настевски, почесниот гол за гостите го даде Бошко Ступиќ.