Русија

Екипата на Зенит убедливо славеше над Динамо Москва (4-1) во дербито во руската Премиер лига и се зацврсти на врвот на табелата, така што овој колектив ги покажа способностите и зошто е шампион на Русија.

Фудбалерите на Локомотив Москва имаат нов тренер. Наместо Марко Николиќ, на чело на московскиот тим седна Германецот Маркус Гисдол, објави управата на клубот.

Екипата на Зенит славеше на гости кај Рубин Казан (1-3) и продолжи со добрите партии во руската Премиер лига каде е апсолутен лидер.

Минатото првенство за ЦСКА Москва беше најлошо откако натпреварувањето во Русија се нарекува Премиер лига, односно од 2001 година. За овие две децени „армејците“ само еднаш беа петти (2009), а речиси редовно завршуваа меѓу трите најдобри (од тоа шест пати беа шампиони). Меѓутоа, последните години резултатите на славниот московски клуб не се најдобри, а по две врзани четврти места, следеше и шестото од минатата сезона кое го остави клубот без пласман во Европа, прв пат по 20 години бидејќи испадна и од Купот во полуфиналето и тоа од освојувачот Локомотива. Сметката за неуспесите ја плати тренерот Ивица Олиќ, кој ја презеде ЦСКА во март по заминувањето на Виктор Гончаренко, а наместо Хрватот на клупата седна Алексеј Березутски.

Екипата на Зенит од Санкт Петербург на гостински терен славеше кај Химки (1-3) и сигурно тргна кон одбраната на круната во руската Премиер лига.

Светската фудбалска асоцијација (ФИФА) суспендира тројца руски фудбалери поради кршење на антидопинг правилата. Казната им е изречена на Иван Књазев и Дарија Мешчерјакова, кои се суспендирани на две години, и на Владимир Обухов, кој доби шестмечна казна.

Марко Николиќ имаше многу проблеми кога седна на клупата на Локомотив. Голем број навивачи и медиуми беа нервозни за неговиот ангажман и бараа „влакно во јајцето“ за да го плукаат. Што се однесува до учеството во Лигата на шампионите, не е дека тие немаа причина да се жалат, бидејќи иако Баерн и Атлетико беа апсолутни фаворити во таа група, можеби „железничарите“ можеа подобро да се справат со Салцбург.

Ивица Олиќ, поранешниот голгетер на хрватската репрезентација, ја напушти својата селекција каде работеше како асистент на селекторот Златко Далиќ и во иднина ќе биде тренер на рускиот гигант ЦСКА Москва.

Македонскиот младински репрезентативец Давид Тошевски има нов клуб. Напаѓачот по договор со екипата на Ростов ќе игра како позајмен во екипата на Тамбов, која исто така се натпреварува во руската Премиер лига.