• Горан Упале
Фудбалерите на Милан ѝ сервираа слатка одмазда на Монца за болниот пораз во нивната последна пресметка во Серија А и во последниот натпревар од денешната програма во фудбалска Италија славеа со минимални 0-1.
- Извештај од натпреварот:
„Росонерите“ оваа сезона не играат според очекувањата на фановите, а со тоа и резултатите не се движат по посакуваниот пат. Сепак, кога се под голем притисок, знаат како да се справат со тоа да ги израдуваат своите фанови. За тимот на Пауло Фонсека ова беше трета победа во последните пет натпревари (два порази), додека Монца го впиша петтиот пораз и падна во опасната зона.
Голот вреден три бода за Милан го постигна холандскиот ас Тијани Рајндерс, кој во финишот од првиот дел се најде на вистинско место во вистинско време и по еден отпадок ја смести топката во посакуваната цел за конечни 0-1.
Во следното коло миланскиот гигант гостува кај Каљари, додека Монца пред својата публика ќе се судри со Лацио.
