• Мартин Танасковски
Кристијано Роналдо со стил се врати во дресот на Манчестер Јунајтед и со два гола му донесе победа на својот тим над Њукасл Јунајтед (4-1). По второто деби за „ѓаволите“, Португалецот кажа дека е горд што се вратил во оваа екипа и што повторно игра во Премиер лигата.
„Моето враќање на „Олд Трафорд“ е чисто потсетување зошто овој стадион е познат како „Tеатарот на соништата“. За мене, ова е магично место каде што е можно сѐ и можеш да го оствариш сето она кон кое ќе го насочиш умот.
Заедно со моите соиграчи и со фантастичната поддршка од трибините, чекориме по патот со оптимизам и самодоверба дека на крајот сите заедно ќе славиме. Горд сум што сум назад во Манчестер Јунајтед и што играм повторно во Премиер лигата. Но, најмногу горд сум што му помогнав на тимот“, напиша Роналдо по натпреварот на „Инстаграм“.
Манчестер Јунајтед со оваа победа е лидер во Премиер лигата со вкупно десет освоени бода по четири кола.
