ВИДЕО: Роналдо пак остана со празни раце, Ал-Наср го загуби финалето во ЛШ!

• Горан Упале

Кристијано Роналдо пак остана со празни раце и пропушти нова шанса да го освои првиот трофеј откако се пресели во Саудиска Арабија.

Неговиот Ал-Наср пред неколку дена на чудесен начин прими гол во судиското надополнување и не успеа предвреме да го обезбеди шампионскиот трофеј во домашниот шампионат, а вечерва саудискиот клуб забележа нов неуспех. 

Во финалето од азиската Лига на шампионите 2, Ал-Наср среде Ријад беше совладан од Гамба Осака од Јапонија со минимални 0-1. Роналдо и дружината имаа целосна доминација во текот на сите деведесет минути, создадоа неколку сериозни шанси за погодок, но потфрлија во реализацијата. На спротивната страна, пак, Осака ја искористи можеби единствената и преку Хумет стигна до посакуваната победа и трофејот од ова натпреварување. 

Ал-Наср и португалската ѕвезда раните можат да ги излечат за пет дена кога против Дамаск им е потребен бод за да ја прослават шампионската титула во саудискиот шампионат. 

Ал-НасрАл-НасрГамба ОсакаГамба Осака