Роналдо ја продолжи неверојатната серија која е единствена во светот на фудбалот!

• Горан Упале

Португалскиот фудбалски великан Кристијано Роналдо постигна гол за Ал-Наср во победата над Ал Охдуд (3-1) и со тоа ја продолжи неверојатната серија која е единствена во светот на фудбалот.

Имено, еден од најдобрите играчи на сите времиња, сега веќе 24 години по ред постигнува барем еден гол, а сè започна во 2002 година во дресот на Спортинг Лисабон.

Роналдо таа година постигна пет гола, а следната година само еднаш успеа да ја затресе противничката мрежа. Tие две години беа и единствените во кои не успеа да забележи двоцифрен голгетерски учинок. Португалецот беше најпродуктивен во периодот од 2011 до 2014 година кога секоја година ја завршуваше со повеќе од 60 гола, а најмногу во 2013 година, кога постигна дури 69.

Кристијано минатата календарска година ја заврши со 43 постигнати гола, а годината пред тоа постигна единаесет гола повеќе, па нема сомнеж дека и оваа година, доколку повредите го заобиколат, ќе има двоцифрен учинок.

Ал-НасрАл-Наср