ВИДЕО: Роналдо е машина – со ЧЕТИРИ гола ја уништи Литванија

Фудбалската репрезентација на Португалија забележа висока победа во квалификациите за Европското првенство (ЕП) во 2020 година и како гостин во Литванија триумфира со 1-5 (1-1).

Литванците правеа проблем само во првиот дел, но најдобриот фудбалер на гостинот, Кристијано Роналдо, покажа дека е вистинска машина и зошто се смета за еден од најдобрите во историјата на фудбалот.

Ѕвездата на Јувентус на овој меч ги даде сите четири гола за Португалија и го водеше тимот до успех. Роналдо погоди во 7., 62., 65. и 76. минута, за втора победа по ред на фаворитот во групата и приближување кон лидерот Украина. Единствениот друг стрелец за Португалија на овој меч беше Карваљо, во судиското надополнување.

На овој натпревар, Роналдо дојде до својата 40-та „жртва“ на натпреварите, затоа што Литванија беше четириесеттата селекција на која најдобриот португалски фудбалер ѝ дал гол.

Србија, пак, од групата Б лесно славеше кај Луксембург (1-3). Два гола постигна Митровиќ, а еден Радоњиќ, додека единствен стрелец за домашните беше Турпел во 66. минута од мечот, за намалување на 1-2.

Европско првенство, Квалификации, Група B
ОН П Н И Гол. ГР Форма Бод.
1 УкраинаУкраина 8 6 2 0 17:4 13 20
2 ПортугалијаПортугалија 8 5 2 1 22:6 16 17
3 СрбијаСрбија 8 4 2 2 17:17 0 14
4 ЛуксембургЛуксембург 8 1 1 6 7:16 -9 4
5 ЛитванијаЛитванија 8 0 1 7 5:25 -20 1