• Зоран Мишевски
По една сезона македонскиот репрезентативен дефанзивец, Кире Ристевски, се раздели со кипарскиот прволигаш Етникос Ахна. Битолчанецот на истек на договорот ќе си замине од овој кипарски клуб и ќе побара нова средина за својата иднина.
Во единствената сезона во дресот на Етникос Ахна, Ристевски запиша 31 натпревар, постигна три гола и запиша две асистенции, иако е одбранбен фудбалер. 33-годишниот Ристевски веројатно ќе остане надвор од нашите граници, каде што мина голем дел од својата кариера.
Освен во Етниксос Ахна и АЕЛ Лимасол, стоперот настапуваше за Пјуникк во Ерменија, Ујпешт и Вашаш во Унгарија, Тирана, Билис и Елбасан во Албанија, Славија Софија во Бугарија, а во Македонија играше за Работнички и Пелистер.
