• Горан Упале
Хрватскиот фудбалски шампион Ријека денес испрати официјална понуда за позајмица на младиот крилен играч на Манчестер Јунајтед, Итан Вилијамс, според инсајдер Бен Џејкобс.
Информацијата доаѓа по претходните објави на Џејкобс дека Вилијамс е во фокусот на голем број европски клубови со месеци откако ја помина последната половина од сезоната на позајмица во англискиот клуб од четвртата лига, Челтнам Таун.
Манчестер Јунајтед моментално разгледува модел за неговата следна фаза од развојот, при што позајмицата е најверојатната опција, иако ова лето циркулираат и опции за продажба со откупни клаузули. Тој постигна два гола и забележа две асистенции во 17 настапи во англиската четврта лига минатата сезона.
19-годишниот Вилијамс во академијата на Јунајтед се приклучи од Рочдејл во 2019 година. Тој беше еден од стартерите за генерацијата до 18 години во сезоната 2023/24, кога станаа шампиони на Англија, а потоа се пресели во екипите до 19 и до 21 година.
Англиските медиуми пишуваат дека постои голем интерес за него, а покрај англиските и шкотските клубови, заинтересирани се и Андерлехт и Клуб Бриж.
