Никогаш не е пријатно да се загуби, но овој пораз на Италија од Република Ирска вечерва во Лил е безболен. Еуфорија настана меѓу ирските навивачи, а тагуваат Швеѓаните, кои во исто време во Ница загубија од Белгија со 1-0 и се елиминирани.
Во меч кој ја одлучуваше иднината на Република Ирска „зелените“ на Мартин О'Нил и Рој Кин ја совладаа реновираната Италија, со 1-0 и со оваа победа влезе меѓу четирите најдобро пласирани тимови кои завршија на третото место во групата.
Навивачите на Република Ирска и понатаму се најзабавни на ЕП во Франција и со право го добиваат тој епитет и покрај слабите резултати на нивната репрезентација. Но, некогаш и тие знаат да претераат во својата „забава“, како што беше во Лил пред мечот со Италија, кога еден од фановите се качи на покривот на автомобил и едноставно почна да скока по него.
Капитенот на италијанската фудбалска репрезентација, Џанлуиџи Буфон, е неизвесен за мечот против Република Ирска во среда. Голманот на Јувентус ги пропушти последните два тренинзи бидејќи има висока температура.
