Екипата на Интер е првиот патник во полуфиналето на Купот на Италија, благодарение на победата над Аталанта (1-0) во натпреварот кој се одигра на „Џузепе Меаца“ во Милано.
Дерби дела Мадонина е зад аголот, но во Интер сѐ уште не можат целосно да се фокусираат на пресметката со градскиот ривал во првенството. Иако приоритет на „неразурите“ е пласман во Лигата на шампионите следната сезона, Симоне Инзаги нема намера да се откаже од трофејот во Купот на Италија што го освои минатиот мај со победата над Јувентус на „Олимпико“.
