На прес-конференцијата по натпреварот меѓу Македонија и Азербејџан, селекторот Благоја Милевски се сврте и кон отсуството на Аријан Адеми и неговата важност во екипата. Милевски истакна дека тој е доста важна алка во Македонија и ќе се работи напорно за да се најде таков играч за иднината, иако е многу тешко.
Македонската фудбалска репрезентација пет натпревари е без победа и во втората половина на 2022 година двапати го совлада само Гибралтар. Поразот од Азербејџан со 1-3 ја завршува годината на неславен начин, но открива и негативни страни во играта на националниот тим.
Фудбалската репрезентација на Азербејџан дојде во Скопје како благ аутсајдер, меѓутоа со триумф од 1-3 си замина од Македонија. Пријателската средба во лоши услови на Арената „Тодор Проески“ понуди две различни полувремиња. Македонија беше подобра во првиот, меѓутоа Азербејџанците доминираа во продолжението и убедливо славеа.
Фудбалската репрезентација на Македонија не успеа да победи ниту во вториот пријателски натпревар во ноемврискиот термин. „Рисовите“ на Благоја Милевски загубија на домашен терен против Азербејџан (1-3), во меч кој се играше во незгодни услови поради дождот во Скопје и тешкиот терен на Арената „Тодор Проески“.
Фудбалската репрезентација на Македонија има егал на полувремето со Азербејџан (1-1), во пресметката од ноемврискиот циклус на пријателски. Натпреварот на националната арена „Тодор Проески“ тргна во знакот на „рисовите“ кои влегоа добро и поведоа, меѓутоа гостите се консолидираа и дојдоа до израмнувачки погодок пред паузата.
Фудбалската репрезнтација на Македонија поведе во натпреварот против Азербејџан во Скопје (1-0). Вториот пријателски натпревар на Арената „Тодор Проески“ тргна според планот за Благоја Милевски и неговите избраници, бидејќи уште во првиот половина час беше скршен отпорот на гостите.
Фудбалската репрезентација на Македонија ќе го одигра последниот натпревар во 2022 година. На Арената „Тодор Проески“ гостин ќе биде Азербејџан, во вториот тест во ноемврискиот репрезентативен циклус. По ремито со Финците, Македонија со сигурност ќе сака победа за крај на годината.
Сите се подготвуваат за Светското првенство во Катар, но Македонија на денот на најголемиот фудбалски собир на планетата ќе одигра контролен меч. Ривал ќе биде селекцијата на Азербејџан која гостува во Скопје во вториот тест-меч за „рисовите“ во ноември (недела, 14:00 часот).
Фудбалската репрезентација на Македонија по ремито со Финска има уште еден предизвик за крај на 2022 година. Пријателскиот меч со Азербејџан во Скопје е последен пред стартот на евро-квалификациите во март, па селекторот Благоја Милевски ќе треба да го искористи тоа.
Македонија ќе биде домаќин на Азербејџан во вториот ноемвриски тест за избраниците на Благоја Милевски. Селекторот на сениорите на прес-конференцијата порача дека добар резултат ќе значи повисока самодоверба меѓу репрезентативците, во пресрет на евро-квалификациите кои започнуваат во март.
Македонската фудбалска репрезентација ќе се соочи со Азербејџан, во вториот пријателски меч овој месец. На првиот против Финска во Скопје одигравме нерешено.
