Фудбалерите на Струга Трим Љум триумфираа на домашниот натпревар против Академија Пандев (1-0), во рамките на 17. коло на ПМФЛ. На ладното време и калливиот терен крај Охридското езеро, долго се играше егал, без вистински шанси на двете страни. Сепак, стоперот Дарко Илиески го одлучи натпреварот со погодок по прекин со глава. Со оваа победа стружани станаа есенски првак во првенството, бидејќи имаат +5 пред последното коло годинава. Иако Шкупи има натпревар помалку, истиот нема да го одигра овој месец.
