• Саше Љолес
Македонската фудбалска легенда, Дарко Панчев, ја отстапи својата „Златна копачка“ на управата на Црвена Звезда, која ќе изработи нејзина реплика и ќе ја постави во музејот на стадионот „Рајко Митиќ“.
Нашата „кобра“ го заслужи овој трофеј со најдобриот голгетерски учинок во тогашниот Куп на шампиони во сезоната 1990/91, кога воедно беше остварен и најголемиот успех на клубот, освојувајќи го трофејот во финалето против Олимпик Марсеј.
Токму Панчев го реализираше победоносниот удар од белата точка во пенал-рулетот, а тогашна Југославија за првпат доби клуб кој се искачи на европскиот трон. Легендарниот фудбалер важи за еден од најдобрите напаѓачи на сите времиња и во својата кариера постигна над 250 голови во сите конкуренции.
