• Иван Димовски
Имaнол Алгуасил му ја соопшти на Реал Сосиедад одлуката дека нема да продолжи соработката со клубот по завршувањето на оваа сезона. Тренерот од Орио, кој повеќе од шест години ја водеше екипата од Сан Себастијан, ќе стави крај на својата ера во клубот со завршувањето на тековната кампања.
Под негово водство, Реал Сосиедад изгради препознатлив стил на игра, се врати во европските натпреварувања и освои Куп на Кралот (2020 година), носејќи нова димензија на стабилност и амбиција во тимот.
Imanol Alguacil ha comunicado al Club que no continuará dirigiendo el equipo la próxima temporada.
— Real Sociedad Fútbol (@RealSociedad) April 24, 2025
Сепак, сезоната сè уште не е завршена – тимот се бори за шесто место кое носи европски фудбал и Алгуасил има шанса достојно да ја заврши својата приказна со ново европско учество. Клубот и навивачите му се заблагодарија на Алгуасил за својата посветеност и работа.
Во новата сезона Реал Сосиедад ќе сврти нов лист и ќе влезе со нов предводник на клупата.
