• Иван Димовски
Фудбалерите на Хајдук го совладаа Динамо Загреб во дербито на 15. коло на ХНЛ (1-0). Овој триумф на „Пољуд“ предизвика сериозни реакции во Сплит и регионот.
Иван Ракитиќ сподели интересна ситуација од соблекувалната по натпреварот, а поврзана со тренерот Џенаро Гатузо кој бил во солзи. Според Хрватот, кога човек со величина каква што е Гатузо плаче по натпревар, тоа е неверојатно.
„Ова се моменти поради кои сакаме да играме фудбал. Не може да се опише. Во соблекувалната го гледаме Гатузо со солзи во очите, а остварил сè во кариерата. Беше и светски првак, има 800,900 натпревари. Кога тој е емотивен по натпревар, тоа е нешто неверојатно. Не сме важни ниту јас, ниту Ливаја, важен е само овој клуб.
Поради ова се сака дресот, атмосферата. Имав чувство како да сме 50 играчи на теренот, а не 11. Благодарам до „Торцида“, можеме да се радуваме, ама бргу се насочуваме кон Горица.
Хајдук се одлепи на седум бода предност пред Динамо, меѓутоа на второто место во чекор следи Ријека.
