• Мартин Танасковски
Српскиот клуб Раднички 1923, кој ова лето ќе игра квалификации за Конференциската лига, ќе ја активира откупната клаузула за македонскиот репрезентативец Лука Станковски.
Раднички ќе плати 30.000 евра на турски Газиантеп за целосно да ги откупи правата на младиот играч за врска. Станковски веќе беше дел од тимот како позајмен играч, а сега ќе стане и официјално член на клубот од Крагуевац.
Ова претставува важен чекор и за клубот и за самиот фудбалер, кој во изминатите месеци се покажа како стабилен и перспективен играч на средината од теренот, со што го заслужи постојаниот договор.
Очекувањата се Станковски да биде важен дел од тимот што ќе се обиде да обезбеди пласман во групната фаза од европските натпреварувања.
