• Горан Упале
Екипата на ПСЖ брзо го заборави болниот пораз од Рен во претходното коло од домашниот шампионат, и пред својата публика славеше рутински над Мец (3-0), во последниот натпревар од денешната програма од Лига 1.
- ПСЖ - Мец 3-0:
Момците на Луис Енрике пред само неколку дена имаа исцрпувачка битка со Монако во Лигата на шампионите, на која славеа по негативата од два гола, но и покрај тоа вечерва професионално си ја завршија својата задача против најлошиот тим во шампионатот досега. Стрелци на головите за „светците“ беа Дуе и Баркола во првото полувреме и Рамос во вториот дел.
Со оваа победа парижани се вратија на лидерската позиција и го симнаа од тронот изненадувањето на сезоната – Ленс. Мец пак останува „фенерџија“ со само 13 освоени бода.
- Ленс - Монако 2-3:
Веќе напоменавме за пресврт-поразот на Монако од ПСЖ во Лигата на шампионите, но денес тимот од кнежевството одигра фуриозни десет минути на гости токму кај Ленс и со трите гола за тој период извојуваа голем триумф од 2-3, иако дотогаш имаа негатива од 2-0.
