• Горан Упале
Долго време трае сагата околку иднината на Килијан Мбапе, а наводно сè ќе биде решено во наредните часови. Угледниот француски весник „Л’Екип“ пишува дека 23-годишниот напаѓач во наредните часови ќе ја соопшти својата одлука каде ќе ја продолжи кариерата и конечно ќе стави крај на долгогодишната сага.
Реал Мадрид и ПСЖ остануваат во игра за неговиот потпис. Мбапе преговараше со двата клуба, но сега е време за конечна одлука, која најверојатно ќе биде објавена денес. Двете понуди се врвни. Ова го потврди мајката на одличниот фудбалер Фајза Ламари.
„Понудите на ПСЖ и Реал Мадрид се речиси идентични. Во Реал мојот син би имал целосна контрола врз правата на името и карактерот, но ПСЖ нуди паричен надомест за тоа. Понудите не се премногу различни. Тие се речиси исти. Сега ја чекаме неговата одлука“, изјави Фајза Ламари.
Бројни европски медиуми пишуваат дека Мбапе е многу поблиску до останување во ПСЖ, а Фабрицио Романо го потврди тоа, пишувајќи дека францускиот фудбал лично му се јавил на Перез да му соопшти дека нема да потпише со Реал Мадрид.
Kylian Mbappé called Real Madrid president Florentino Pérez today afternoon as he wanted to tell him directly his decision: sign a new deal with Paris Saint-Germain. It’s now done and 100% confirmed. #Mbappé
— Fabrizio Romano (@FabrizioRomano) May 21, 2022
Мбапе во редовите на Пари Сен Жермен се пресели во 2017 година од редовите на Монако.
