• Иван Димовски
Фудбалерите на ПСЖ немаа милост за Монпелје и со убедливи 6-0 (2-0) дојдоа до втората победа во второто коло на француската Лига 1. Натпреварот беше вистинско уживање за публиката на „Паркот на принцовите“ бидејќи понути шест погодоци во гостинската мрежа.
Само четири минути им беа потребни на домаќините да поведат, а тогаш Баркола стрела за 1-0 по асистенција од Невеш. Новајлијата од Португалија беше асистент и 20 минути подоцна, но тогаш за погодокот на Марко Асенсио за удвојување на предноста. До полувремето немаше резултатски промени.
Сепак, ПСЖ продолжи фуриозно во вториот дел. Баркола со својот втор гол зголеми на 3-0 во 53. минута. Само пет подоцна меѓу стрелците се запиша и бекот Ашраф Хакими, додека по еден час игра падна и петтиот гол во мрежата на Монпелје преку Заире Емери.
- Извештај од натпреварот:
Конечните 6-0 ги постави резервистот Ли Канг-Ин во 82. минута од натпреварот. Ова беше втора убедлива победа за парижани кои и со подмладен и изменет тим демонстрираат сила во Франција.
