• Мартин Танасковски
По две и пол години успешна соработка, дефанзивецот Бесарт Кривањева и Струга Трим Љум се разделија. По истекот на договорот, и покрај разговорите за можно продолжување, двете страни не постигнаа договор за продолжување на соработката.
Кривањева се приклучи на тимот во јануари 2023 година и одигра вкупно 90 натпревари во дресот на Струга Трим Љум, од кои 12 беа во европските квалификации. Со неговото име е запишана и златна страница во историјата на клубот – беше дел од тимот што освои две шампионски титули и играше во две финалиња на Купот на Македонија.
Како еден од клучните играчи во последната линија, Кривањева се истакна со својата дисциплина, професионализам и посветеност на секој натпревар. Фудбалскиот клуб Струга Трим Љум му се заблагодарува за придонесот и времето поминато заедно, и му посакува многу среќа и успех во понатамошната кариера.
