• Горан Упале
Проблемите на Челзи како да немаат крај во финишот од сезоната во Премиер лигата. „Сините“ никако да застанат на здрави нозе, веќе се во серија од четири порази, а вечерва уште „не започнат“ натпреварот со Брајтон – имаат негатива од 1-0.
Се играше третата минута на „Амекс“, кога по еден корнер и мешаница во срцето на казнениот простор на лондончани, Кадиоглу шутираше кон голот и со помош на блокот го совлада Санчез за огромна радост на трибините.
Дуелот на „Амекс“ е од круцијално значење за двете екипи, затоа што се борат за местата кои што идната сезона водат во Лигата на шампионите.
