• Горан Упале
Капитенот на Арсенал, Мартин Одегард се здоби со повреда на скочниот зглоб. Норвешка ја победи Австрија со 2-1, а на средината од вториот дел Одегард мораше да го напушти теренот поради незгодна повреда.
Тој беше видно потресен и заплака, а нема сомнеж дека уште денес ќе биде во Лондон на детални прегледи. Првичните информации не се оптимистички за фановите на англискиот гигант.
Арсенал веќе е без Деклан Рајс, кој заработи црвен картон во минатото коло против Брајтон, а тимот на Микел Артета викендов гостува кај најголемиот ривал Тотенхем.
Останува да видиме дали Артета ќе остане без својот капитен за дербито на северен Лондон.
