Проблем за Македонија – одбраната ќе е „крпена“ против Словенија и Полска!

Македонската фудбалска репрезентација се подготвува за наредните предизвици во квалификациите за Европското првенство (ЕП) во 2020 година, а за октомвриските мечеви отворено е прашањето како ќе изгледа дефанзивата.

Повреди направија проблеми во плановите на Ангеловски, посебно во дефанзивната линија од тимот. Стефан Ристовски уште не е во полн тренажен процес, Егзон Бејтулаи е суспендиран поради жолти картони, а најновите лоши вести се повреди на Дарко Велковски и Ѓоко Зајков.

Првиот стопер на Ријека сигурно нема да игра со Словенија и Полска, додека за Зајков ситуацијата не е јасна, но дури и да се најде во тимот, прашање е каква ќе биде неговата подготвеност.

Од претходниот список, во одбраната на Македонија остануваат само Муслиу, Ристевски и Алиоски, па така, Ангеловски ќе мора да бара решение, или да менува формација. Постои можност да се земат играчи од У21-тимот, но и Милевски има квалификациски обврски во ист термин.

Македонија прво игра на домашен терен со Словенија, на 10 октомври, а потоа се соочува со најтешкото гостување во овој квалификациски циклус против Полска и во овие два меча од голема важност сигурно ќе ни биде потребна „цврста“ одбрана.

Европско првенство, Квалификации, Група G
ОН П Н И Гол. ГР Форма Бод.
1 ПолскаПолска 8 6 1 1 13:2 11 19
2 АвстријаАвстрија 8 5 1 2 17:7 10 16
3 МакедонијаМакедонија 8 3 2 3 10:11 -1 11
4 СловенијаСловенија 8 3 2 3 13:8 5 11
5 ИзраелИзраел 7 2 2 3 12:14 -2 8
6 ЛетонијаЛетонија 7 0 0 7 1:24 -23 0