• Зоран Мишевски
Фудбалерите на Легија се победници на полскиот фудбалски Куп, откако во денешното финале на „Стадион народови“ во Варшава го совлада Лех Познањ со 0-1 (0-0).
Бившиот клуб на Иван Тричковски стигна до победата со голот на Александар Пријовиќ во 69. минута. Иако Лех имаше повеќе од играта и позрели шанси, сепак единствениот гол го постигнаа фудбалерите од Варшава.
@itsultralife01 #Legia today
Full video:https://t.co/wne8JDIV54 pic.twitter.com/rxxcPE0SjE
— It's an ultra life (@itsultralife01) May 2, 2016
На мечот му претходеше пиротехничко шоу и жестоко навивање на двете навивачки групи, а огромно обезбедување низ градот ги штити двете екипи од меѓусебни немири и инциденти.
Во полската Екстракласа Легија е водечка со два бода предност пред Гливице и се наоѓа блиску до двојната круна.
