Празник во Струмица, Вардар има втора меч-топка за есенска титула

Фудбалската есен во Струмица ќе заврши на најдобар можен начин - со дерби на двете водечки екипи на табелата, домашната Академија Пандев и лидерот Вардар. „Црвено-црните“ ја имаат втората шанса за есенска титула, откако во средата само ремизираа во Кратово. 

Попладнево „пандевци“ очајничко посакуваат да ја прекинат серијата од пет натпревари без победа, а нема поголема мотивација од дуелот со најтрофејната македонска екипа. И Васоскии Тренчовски немаат големи проблеми со составување на тимот, а традицијата им се насмевнува на скопјани.

Последни пет меѓусебни натпревари:
29.09.2019 - Вардар - Академија Пандев 1-0
26.05.2019 - Академија Пандев - Вардар 1-1
07.04.2019 - Вардар - Академија Пандев 1-1
02.12.2018 - Академија Пандев - Вардар 0-0
06.10.2018 - Вардар - Академија Пандев 3-0

Aлександар Грујоски ќе ја дели правдата на натпреварот во Струмица, а се предвидува и поголема посета од просекот за гостувањето на Вардар.