Познати сите учесници на следниот Суперкуп на Шпанија 

Иако има уште три кола до крајот на шампионатот на Шпанија, веќе се познати четирите екипи кои ќе играат следната сезона во Суперкупот на Шпанија. Од сезоната 2019/20 натпреварувањето е трансформирано во турнир од четири екипи, а прв шампион е Реал Мадрид. „Кралевите“ го совладаа Атлетико Мадрид по изведување на пенали, во финален дуел во Саудиска Арабија.

Двата финалисти на Купот на Кралот, Атлетик Билбао и Реал Сосиедад, шампионот и вицешампионот ќе настапат во ова натпреварување. Со оглед на тоа што на три кола до крајот на Примера се знае дека Реал и Барса ќе завршат на првите две места, неизвесно е само по кој редослед, на Супекупот ќе играат: Реал Мадрид, Барселона, Реал Сосиедад и Атлетик Билбао.

Ждрепката за полуфиналето ќе биде слободна и сите комбинации се возможни.