• Иван Димовски
По комплетирањето на групите А и Б денес, познати се првите два осминафинални парови на Светското првенство. Холандија и Англија како победници на групите, заедно со Сенегал и САД се пласираа во првата нокаут рунда.
Принципот на вкрстување е првиот од едната со вториот во другата група, па така Холанѓаните одат на мегдан со Американците, додека Англија ќе се судри со Сенегал.
- Првите осминафинални парови на Мундијалот:
Холандија - САД (3 декември, 16:00 часот)
Англија - Сенегал (4 декември, 20:00 часот)
Холандија и САД ќе играат на отворањето на осминафиналната фаза на трети декември во 16:00 часот, додека ден подоцна во 20:00 е закажана средбата меѓу Англичаните и Сенегалците. Во наредните денови ќе се одигра и разврската во останатите групи, па ќе се знаат и другите осминафинални парови.
