• Саше Љолес
Шкотските медиуми пренесуваат дека за македонскиот центарфор, Бојан Миовски, постои сериозен интерес од повратникот во шпанската Примера, Еспањол.
Клубот од Каталонија повторно ќе се натпреварува во елитниот шпански фудбал, а неколку шкотски портали пишуваат дека управата го поставила трансферот на Миовски на највисоко можно ниво.
За македонскиот напаѓач постои интерес и од Болоња, но сѐ уште нема информации за евентуална преселба во Италија. Повеќе европски клубови се во игра, па останува да видиме каде Миовски ќе ја продолжи својата кариера.
Штипјанецот одигра фантастична сезона во славниот шкотски клуб и постигна 26 гола во сите конкуренции.
Прочитајте повеќе околу трансферите во Македонија и во светот на ОВОЈ линк.
