• Горан Упале
Во пресрет на големото финале на Лигата на шампионите меѓу ПСЖ и Арсенал, еден од хероите на парискиот тим, голманот Матвеј Сафонов, се најде во центарот на сосема неочекувана приказна. Рускиот чувар на мрежата доби бизарна понуда од актерка од филмови за возрасни, на што брзо духовито реагираше и неговата сопруга.
Порно актерката Мери Рок јавно му вети на Сафонов „жешка ноќ“ за секоја одбрана што ќе ја забележи во финалето на Лигата на шампионите, кое се игра на 30 мај во Будимпешта. Нејзината порака многу брзо стана вирална и предизвика бројни реакции.
Набрзо се огласи и сопругата на Сафонов, Марина Кондратјук, која целата ситуација ја прокоментира на социјалните мрежи.
„Актерка од филмови за возрасни му посака среќа на мојот сопруг во финалето на Лигата на шампионите и му вети жешка ноќ за секоја одбрана“, напиша Марина.
Потоа откри како навистина изгледаат „жешките ноќи“ на голманот на ПСЖ.
„Таа не знае дека за него жешки ноќи значат решавање крстозбори, гледање на емисијата ‘Што? Каде? Кога?’ и одење во кревет во 23:30 бидејќи, по ѓаволите, утре рано мора на тренинг“, се пошегува.
Матвеј Сафонов зад себе има одлична сезона во ПСЖ. Рускиот голман пристигна во Париз во летото 2024 година од Краснодар за 20 милиони евра. Откако на почетокот беше резерва, успеа да се избори за првотимски статус пред Лукас Шевалје. Колку е важен за тимот потврдува и фактот дека бранеше на сите натпревари од нокаут-фазата оваа сезона во Лигата на шампионите.
