• Мартин Танасковски
Македонскиот младински репрезентативец Лука Станковски игра одлично во дресот на српски Раднички. За него има интерес за трансфер, можно е да менува средина оваа зима, затоа што има добри понуди од српската лига, но и една од странство.
За Македонецот заинтересирани беа ТСЦ од Бачка Топола и Партизан, ама, сепак, во Крагуевац конечно стигна прва сериозна понуда од странство. Поточно од Полска.
Според информациите на Mozzart Sport, моментално третопласираната екипа на Екстракласа, тоа е Раков, тргнала по 22-годишниот играч за врска, кој есенва беше незаменлив во првиот тим на Раднички.
Станковски оваа сезона одигра 15 натпревари во првенството на србија и постигна три гола.
