• Иван Димовски
Она што се најавуваше во претходните денови сега доби и официјализација. Се „детонираше бомба“ околу полноќ, а поврзана со турскиот гигант Фенербахче.
Нов тренер на тимот од Истанбул ќе биде Жозе Мурињо, а самиот Португалец го потврди тоа. Мурињо беше присутен на финалето на Лигата на шампионите каде што работеше како стручен консултант, а по натпреварот директно од „Вембли“ реши да испрати порака до Турција.
„Здраво (Мераба) на сите навивачи на Фенербахче. Се гледаме утре во Истанбул и да ја започнеме нашата заедничка авантура“, изјави Мурињо за клупскиот сајт на турскиот клуб.
- Видео-пораката на Мурињо преку профилот на Фенер:
Dünyanın En Büyük Spor Kulübünün Büyük Taraftarı!
Planlarınız iptal olduysa yeni planı paylaşıyoruz.
2 Haziran Pazar saat 19.00’da stadımızda buluşuyoruz!pic.twitter.com/jPOcSnzpZL
— Fenerbahçe SK (@Fenerbahce) June 1, 2024
Последниот ангажман на Мурињо беше во Рома, а сега се реши за уште еден многу голем предизвик и ќе работи во Турција.
Презентацијата на Португалецот во Фенербахче се очекува в недела во 19:00 часот.
