• Мартин Танасковски
Барселона и Реал Мадрид ги доставија своите списоци до УЕФА за настап во новата сезона од Лигата на шампионите, а во нив има неколку интересни имиња, но и забележителни отсуства.
Кај каталонскиот гигант надвор од списокот остана шведското крило Руни Бардагџи, кој се опоравува од тешка повреда на коленото. Дваесетгодишниот фудбалер неодамна беше опериран и речиси сигурно нема да се врати на терените до крајот на сезоната. Од друга страна, Ханси Флик ги вклучи младите таленти Хамза Абделкарим и летното засилување Џеси Бисиву, кои добија шанса да бидат дел од европскиот ростер.
Најголемото изненадување во списокот на Реал Мадрид е отсуството на левиот бек Ферлан Менди. Французинот веќе две недели тренира со екипата во Валдебебас, но клубот не сака да ризикува со негово прерано враќање по операцијата на тетивата на десната нога. Иако првичните прогнози најавуваа камбек во септември или октомври, во Мадрид засега остануваат претпазливи.
Меѓу избраниците на Жозе Мурињо се најде новото засилување Серхио Мартинез, талентираниот играч за врска кој пристигна од Расинг Сантандер. Неговото вклучување е очекувано со оглед на проблемите што ги има „кралскиот клуб“ во средниот ред пред премиерата против Интер. Поради суспензии ќе отсуствуваат Арда Ѓулер, Едуардо Камавинга и Бернардо Силва, додека настапите на Орелиен Чуамени и Тијаго Питарч сè уште се под знак прашалник.
Токму поради кадровските проблеми во средниот ред, Мартинез би можел уште на стартот на сезоната да добие можност да дебитира во најелитното европско клупско натпреварување.
