• Сашо Поповски
Пол Погба игра фантастична сезона со Манчестер Јунајтед, што може да го промени текот на неговата кариера.
Долго време се пишува дека Французинот ќе си замине од „Олд Трафорд“, Но, неговата форма на почетокот на Премиер лигата ја прави управата да има дилема во врска со неговиот нов договор.
Ова е последна година од тековниот договор на играчот за врска. Доколку не постигне согласност со премиерлигашот, наредното лето ќе има можност да замине како слободен играч.
Јунајтед сега не сака така лесно да се ослободи од него. Сега шансите да остане во Манчестер се далеку поголеми од летниот период, кога се зборуваше за негова продажба.
Доаѓањето на Кристијано Роналдо значително го подигна духот во екипата, што може да одигра улога во одлуката на Погба.
