• Мартин Танасковски
МЛС објави официјални податоци за платите на фудбалерите во лигата, а очекувано на врвот се наоѓа Лионел Меси.
Ѕвездата на Интер Мајами заработува бруто 28.3 милиони долари по сезона, убедливо најмногу во американско-канадскиот шампионат.
На второто место е новата ѕвезда на Лос Анџелес, Хјон-Мин Сон, со годишна заработка од 11.1 милиони долари.
Трет најплатен играч во лигата е уште еден член на Интер Мајами и аргентински репрезентативец, Родриго Де Пол, кој заработува 9.7 милиони долари по сезона.
Во МЛС-лигата има еден македонски репрезентативец Дани Мусовски кој е дел од Сиетл Саундерс, тој заработува 712.924 долари бруто по сезона.
