Пиоли по новиот блесок на Ибра: Сите сакаме уште долго да остане на „Сан Сиро“

Екипата на Милан без посериозни проблеми впиша нови три бода на своето конто во Серија А, откако со новиот блесок на Златан Ибрахимовиќ стигна до сигурна победа од 4-0 над тимот на Кротоне.

По натпреварот, Стефано Пиоли, тренерот на Милан, изјави дека се надева во тоа дека Ибрахимовиќ ќе остане што е можно подолго на „Сан Сиро“.

„Кога го гледаме Ибра како тренира, тогаш не сме изненадени бидејќи тој е вистински шампион. Тешко е да се остане во формата во која е, но тој е таков и секогаш сака да биде на врвно ниво. Златан е среќен тука и искрено сите се надеваме дека тој ќе остане во Милан што е можно подолго“, рече Пиоли.

Покрај Ибра, кој со денешните гола стигна до бројката од 501 погодок во клупската кариера, мрежата на Кротоне ја затресе и Анте Ребиќ, кој исто така беше творец на два гола.