Пандев останува надвор од составот и нема да игра против Јувентус

Пандев

Џенова ќе се соочи со Јувентус во осминафиналето на Копа Италија. Тоа ќе го направи без неколку фудбалери, меѓу кои е и Горан Пандев.

Нашиот репрезентативен капитен и натаму го чека првиот настап во новата година. Неговата повреда датира од дуелот со Специја на крајот од декември, но последните информации велат дека истата е санирана.

38-годишниот напаѓач ги пропушти последните три меча на својата екипа, а нема да може да помогне и на дуелот со фаворизираниот тим од Торино. Тренерот Давиде Балардини не сакаше да ризикува со македонскиот фудбалер и го остави надвор од тимот, иако не е на листата повредени играчи.

Дуелот меѓу Џенова и Јувентус се игра вечерва со почеток од 20:45 часот. Во останатите денешни дуели се среќаваат Фиорентина и Интер, односно Наполи и Емполи.