Пандев ѝ се обрати на нацијата: Можеби ова се моите последни мечеви...

Капитенот на македонската репрезентација, Горан Пандев, пред стартот на Европското првенство (ЕП) испрати порака до нацијата и посочи дека бара безрезервна поддршка на континенталниот собир.

Нашиот национален тим дебитира в недела во дуел со Австрија, а најдобриот играч во независна Македонија испрати доста емотивна порака до Македонците.

„Дојде и тој ден кога почнува Европското првенство. Денот кој го сонував долго време низ мојата кариера, Македонија да игра на едно вакво големо натпреварување. Можеби се ова последните мои натпревари за репрезентацијата. Сакам како капитен да се обратам на целата нација. Оваа генерација е на најсветото место на македонскиот фудбал, ова е генерацијата што ја обедини цела Македонија. Горд сум на секој момент и секоја капка пот пролеана во светиот дрес. Сонот го исполнивме, одиме да испишеме историја. Бидете со нас и навивајте за Македонија!“, порача Гранде Пандев.

  • Пораката на Горан Пандев на „Инстаграм“: