• Горан Упале
Фудбалерите на Челзи го продолжуваат патот кон финалето на Светското клупско првенство, кое што се одржува во Соединетите Американски Држави, откако во второто четвртфинале со минимални 2-1 (1-0) совладан беше тимот на Палмеирас.
- Извештај од натпреварот:
По победата на Флуминенсе над Ал-Хилал јужноамериканските фанови посакуваа бразилско соочување во полуфиналето, но лондончани не го дозволија тоа и со голема доза на среќа го совладаа противникот и се пласираа меѓу четирите најдобри на турнирот.
Резултатот беше отворен по само шеснаесет минути игра, кога најдобриот фудбалер на „сините“, Кол Палмер, погоди за 0-1. Со овој резултат се замина на одмор, а само што започна вториот дел Естевао израмни на 1-1 со гол од „мртов агол“ и ја врати неизвесноста на натпреварот. Сепак, неговиот соиграч Вевертон во 83. минута си постигна автогол, со кој Челзи извојува победа од 1-2.
Во полуфиналната битка Челзи ќе се судри со Флуминенсе, тим кој во оваа фаза го совлада Ал-Хилал со 2-1.
ФОТО/PHOTO: Chelsea (X)
