• Иван Димовски
Екипата на Монако славеше во дербито на второто коло против Лион со 0-2 (0-0). Натпреварот на „Олимпик Парк“ беше решен во второто полувреме, во корист на гостинската екипа.
- Извештај од натпреварот:
Тимот од кнежевството беше подобар од почетокот, се наметна и градеше шанси. Најблизу до водечки гол во првото полувреме беше Такуми Минамино кој ја погоди стативата по половина час игра. Откако немаше голови пред паузата, Монако стигна до заслужената предност во продолжението.
Течеше 65. минута кога Бен Сегир погоди по асистенција од Аклиуче и го матира домашниот голман за 0-1. Веќе во 80. Монако дојде и до втор погодок, а овојпат стрелец беше Ламин Камара. Токму Камара во судиското продолжение доби два жолти картони и си заработи исклучување во шестата дополнителна минута.
Монако зад себе има две победи без примен гол, додека Лион е на два порази без постигнат гол. Во следното коло Монако ќе се судри со Ленс, а Лион е домаќин на Стразбур.
