• Иван Димовски
Екипата на Олимпик Марсеј се радуваше на гостувањето кај Анжер, победувајќи со 0-2 (0-0) во рамките на 21. коло на француската Лига 1.
Одигра гостинот на „Рејмонд Копа“ доминантен натпревар, беше подобар уште од стартот, притискаше и правеше шанси. Сепак, Анжер добро ги одбиваше налетите во првиот дел и го одбрани својот гол.
Успеа Олимпик Марсеј да го отвори резултатот преку Адриен Рабио кој во 69. минуга го постигна својот четврти сезонски гол (0-1). Само пет подоцна Нил Мопе успеа да ја удвои предноста, по втората асистенција на Гури за конечните 0-2.
Со оваа победа Олимпик Марсеј се одржа на десет бода зад водечкиот ПСЖ, но исто така и остана на „плус шест“ во однос на третопласираната Ница.
