• Мартин Танасковски
Екипата на Арсими договори уште едно засилување за новата сезона во Првата македонска фудбалска лига (ПМФЛ) кое доаѓа од редовите на Вардар.
Ибрахим Олаосебикјан, 26-годишниот фудбалер кој настапуваше за црвено-црните, доаѓа во тимот од Чегране како позајмен играч. Се работи за офанзивен играч за врска кој има 55 настапи во Првата македонска фудбалска лига, со шест гола и пет асистенции.
Покрај за Вардар, Олаосебикјан играше и за екипата на Брера Струмица во Македонија, а претходно беше дел од литванските Судува и Хегелман, како и нигерискиот Реал Сафир.
За играчот претходно постоеше интерес и од тимот на Скопје кој е нов прволигаш.
