• Иван Димовски
Судиската комисија која работи во склоп на ФФМ, анализира спорни моменти од натпреварите во четвртата рунда на Втората македонска фудбалска лига.
По прегледувањето на ситуациите, утврдена е една погрешна одлука. Судијата Александар Василевски и неговите помошници Нeдевски и Здравев, погрешно проценија офсајд позиција и му поништија погодок на Охрид во дуелот со Вардар Неготино во 30. минута од натпреварот. На оваа средба се разгледа и уште една ситуација. Судиите исправно досудија пенал за охриѓани, меѓутоа не му покажаа црвен картон на гостинскиот фудбалер.
Комисијата ги анализира и ситуации од натпреварот меѓу Башкими со Беласица, каде што добро е проценет црвен картон за домаќините, како и ситуација од дуелот на Скопје и Караорман во која правилно не е досуден пенал за „пиратите“.
Целосната судиска анализа можете да ја прочитате на ОВОЈ линк.
