• Иван Димовски
Светската фудбалска федерација - ФИФА донесе одлука за исфрлање на Клуб Леон од Светското клупско првенство кое ќе се одржи за првпат во новиот формат ова лето.
Одлуката за исфрлање на Мексиканците е донесена поради разгледувањето на дисциплинската постапка против Пачука и Клуб Леон. Утврдено е дека било прекршено правото за сопствеништво на повеќе клубови кое е пропишано од ФИФА.
ФИФА утврди дека клубовите прекршиле правила, а поради тоа цехот ќе го плати Клуб Леон. Најавено е дека набргу ќе биде промовирана замена за мексиканскиот клуб.
Екипата на Клуб Леон требаше да се натпреварува во групата Д со Челзи, Фламенго и Есперанс Тунис.
