• Иван Димовски
Хрватскиот стратег Игор Тудор го продолжи договорот со Јувентус до јуни 2027 година, со можност за уште една сезона, објавија од клубот од Торино.
Тудор пристигна на 23 март како привремено решение по отказот на Тијаго Мота, но со добрите резултати во финишот на Серија А си обезбеди постојан ангажман. Под негово водство, Јуве избори пласман во Лигата на шампионите, завршувајќи како четврти во првенството со биланс од пет победи, три ремија и еден пораз на девет натпревари.
„Врската на Тудор со клубот стана уште посилна, особено благодарение на работата во завршницата на сезоната и пласманот во ЛШ. Сега нè очекуваат нови поглавја што треба заедно да ги испишеме“, стои во соопштението на Јувентус.
Igor Tudor rinnova con la Juventus
Congratulazioni, mister!
— JuventusFC (@juventusfc) June 13, 2025
Клубот наскоро го очекува настап на Светското клупско првенство, каде во групата G ќе игра против Манчестер Сити, Видад и Ал Аин.
