• Зоран Мишевски
Само две недели Гоце Седлоски беше без работа, откако спогодбено го раскина договорот со македонскиот шампион Шкупи. Македонскиот тренер пронајде работа во Албанија и доцна синоќа беше официјализиран неговиот нов ангажман.
Седлоски ќе го предводи албанскиот прволигаш Влазнија, откако синоќа стави потпис на договор на една и пол година со клубот од Скадар. Влазнија е амбициозен проект, во кој со голем успех тренер пред неколку години беше и поранешниот селектор Мирсад Јонуз.
48-годишникот Седлоски претходно беше тренер на Рига, Широки Бријег и Динамо Загреб, а во Македонија седеше на клупите на Шкупи, Турново и Вардар.
Дебито на Седлоски на клупата на Влазнија се очекува в недела од 18.00 часот против Ерзени.
