• Саше Љолес
Дисциплинскиот комитет на УЕФА ја казни Хрватската фудбалска федерација со 48.500 швајцарски франци поради несоодветно однесување на некои навивачи за време на натпреварите против Чешка и Гибралтар во квалификациите за Светското првенство.
Федерацијата беше казнета со 41.000 швајцарски франци за фрлање разни предмети и употреба на пиротехнички средства од страна на навивачите за време на натпреварот во Прага на 9 октомври.
Исто така доби и казна од 7.500 швајцарски франци за втрчување на некои навивачи на теренот по натпреварот против Гибралтар, одигран на 12 октомври во Вараждин.
Хрватска е прва на табелата во Групата Л со 16 бода од шест натпревари, по неа е Чешка со 13 бода и натпревар помалку. Фарските Острови се трети со 12 бода од седум натпревари.
ФОТО/PHOTO: Gojko Mitic
