Одложен уште еден меч, неколку премиерлигаши бараат стопирање на првенството!

Премиер

Зголемениот број на заразени во Премиер лигата досега предизвика откажување на четири натпревари.

Пандемијата и оваа сезона прави проблеми во организацијата на спортските настани ширум светот. Непосредно пред крајот на календарската година со предизвици се соочува и англискиот шампионат.

Според последните пишувања на медиумите на Островот, неколку премиерлигаши побарале да се стопира првенството до Нова Година. Со тоа се очекува да се намали бројката заразени меѓу членовите на екипите.

Досега се одложени дуелите Брентфорд - Манчестер Јунајтед, Барнли - Вотфорд и Лестер Сити - Тотенхем, а сега е потврдено дека и натпреварот в сабота меѓу Манчестер Јунајтед и Брајтон нема да се одигра.